Newroz TV kurdî

Skip to content

::

Mexmûriyan ÎdrîsTuzak wekî "şehîdê penaberiyê" îlankirin

17:18 2010-03-09

Endamê Tev-Çandê Îdrîs Tuzak ku li Wargeha Penaberan a Mexmûrê dijiya, 4'ê Adarê li ser riya di navbera Hewlêr û Mexmûrê de di encama bûyereke trafîkê de jiyana xwe ji dest da û li gel wî jî 4 kes birîndar bûn.

Mexmûriyan Tuzak wekî şehîdê penaberiyê îlankirin.

Doh ji bo Tuzak, li Mexmûrê, li Saziya Malbatên Şehîdan merasimek hat li darxistin ku bi hezaran Mexmûrî amade bûn û êşa malbata Tuzak parvekirin.

Îdrîs Tuzak sala 1974ê li Gundê Sêvê Oremarê yê Navçeya Gever a Colemêrgê hatibû dinê.

Malbata Tuzak jî wekî hemû malbatên din yên Mexmûrî, ji ber nepejirandina cerdevanî û zordariya dewleta Tirk neçar mabûn koçî Başûrê Kurdistanê bikin.

Îdrîs Tuzak, Endamê Navenda Çand û Hûnerê ya Mexmûrê bû û di jiyana penaberiyê de dest bi karê hûnerê kir.
Beriya wê jî di nava tekoşîna azadiya kurdan de çalak cîh girt.
Di şahiyan de derdiket ser dikê û bi dengê xwe yê xweş û zelal şahî geş dikirin. Tuzak ne tenê bi xebatên xwe yî hûnerî, lê her wiha bi fedekarî û bi dilnizmiya xwe dihat nasîn.

< Paşve		Pêşve >

Hewa

Amed:
	38°C

Kirmaşan:
	35°C

Urmiye:
	28°C

Xoy:
	28°C

Qamişlo:
	41°C

Hewler:
	45°C

Wan:
	26°C

Mûsil:
	45°C