موراد قەرەیڵان : هیچ واتایەکم لە قسەکانی نێچیرڤان بارزانی لەبارەی شەنگالەوە نەدۆزییەوە

موراد قەرەیلان، ئەندامی کۆمیتەی بەڕێوەبەریی پەکەکە، سەبارەت بە دۆخی شەنگال و پەیوەندی هێزە کوردییەکان بەیەکەوە،ڕایگەیاند، کە مێژوو سەلماندوویەتی پەکەکە هێزێک نییە لەبەر هەڕەشە، تەنانەت یەک هەنگاو بۆ دواوە بنێت.

قەریلان سەبارەت سەبارەت بە هەرەشەکانی نێچیروان بارزانی سەرسامی خوی دەربری و ئاشکرای کرد کە ئەوان خەریکی دانوسان بوون بۆ کشانەوەی گەریلا لە شەنگل..
موراد قەرەیلان ئەندامی کۆمیتەی بەڕێوەبەریی پەکەکە لە لێدوانەکەیدا بۆ ستێرک تیڤی، سەبارەت بە بارودۆخی ئێستا ئاماژەی بەوەدا کە قۆناغی ئێستا قۆناغێکی زۆر گرنگە و تیایدا بڕیارە چارەنووسی گەلی کورد دیاری بکرێت، بۆیە لە دۆخێکی بەم شێوەیەدا یەکێتی گەلی کورد زۆر گرنگە و پێویستە هەمووان بزانن کە بە هەڕەشە هیچ دەرئەنجامێک دەست ناکەوێت و دەبێت کێشەکان بە دیالۆگ چارەسەربکەین.

هەروەها قەرەیڵان وتویەتی، بۆ ئەو کێشانەی بە دیالۆگ چارەسەر نابن، پێویستە پلاتفۆرم و چەترێکی هاوبەش پێکبێت، بۆیە یەکێتی نەتەوەیی بۆ داهاتووی گەلەکەمان زۆر گرنگە، نابێت ڕێگا بدەین خوێنێ ئەو هەموو شەهیدە پێشێلبکرێت.

قەرەیلان ئاماژەی بە قسەکانی نێچیرڤجان بارزانی کردووە و ڕایگەیاندووە، من هیچ واتایەکم لە قسەکانی نێچیرڤان بارزانی لەبارەی شەنگالەوە نەدۆزییەوە، لەنێوان ئێمەدا سەردان و چاوپێکەوتن هەیە، جاری یەکەمە ئەمە ئاشکرا دەکەم، ئێمە هێزەکانی هەپەگە لە شەنگال دەکشێنینەوە، بەڵام تێناگەم بۆچی نێچیرڤان بارزانی بەو شێوەیە و بەو زمانە قسەی کرد، هێشتا دانوستان و دیدار و قسەکانی ئێمە بەیەکەوە کۆتایی نەهاتووە، ئایا دەیانەوێت هەموو شتێک خراپ بکەن؟ بە چ هۆکارێک بەو شێوەیە قسەی کردووە، پێویستە هۆکارەکانی بۆ ئەم شێوەیە لە قسەکردن شرۆڤە بکات، ئێمە پێمان وایە قەت پێویست بەو شێو قسەکردنە نەبوو، بەتایبەت وتنی ئەمەی، کە ئێمە هێز و توندوتیژی بەکاردێنین بە چ واتایەکە؟ بە واتای براکوژییە؟ ئایا ئەوان دەیانەوێت ڕێگا بۆ شەڕی براکوژی بکەنەوە؟ ئایا دەیانەوێت بەم شێوەیە کێشەکان چارەسەربکەن؟ ئەو پەیامەیان بۆ کێ ناردووە؟ پێویستە هەمووان بزانن کە بە هەڕەشە هیچ دەرئەنجامێک دەست ناکەوێت، مێژوو ئەوەی سەلماندووە کە پەکەکە هێزێک نییە کە لەبەر هەڕەشە تەنانەت یەک هەنگاویش بۆ دواوە بنێت، بۆیە من بەگشتی لە قسانەکانی بەڕێز بارزانی تێنەگەیشتم.

موراد قەرەیلان وتیشی، ئەوە چوار ڕۆژە باس لەم قسانە دەکەن و شرۆڤەی جۆراوجۆری بۆ دەکەن، بەڕای من پێویستە بەڕێز بارزانی وەکو سەرۆکی حکومەتی هەرێم بیر لە چارەسەرکردنی کێشەکان بکاتەوە، دەتوانین بەیەکەوە کێشەکانمان چارەسەربکەین، بەڵام قسەی لەو جۆرە، قۆناغی دانوستان و هاوکاری کۆتایی پێدەهێنێت، کورد لە سیاسەتدا خاوەنی ئەزموونە.

موراد قەرەیلان لە کۆتایی قسەکانیدا وتویەتی، پێویستە بە ڕوانگەی نەتەوەی دیموکراتیەوە لەگەڵ یەک کۆببینەوە، ئێمە بەم ئەزمون و ڕوانگەیەوە ساڵی ٢٠١٦مان لە باکوری کوردستان بەرەو ساڵی ٢٠١٧ تێپەڕکرد، پێمانوایە ئەم ڕوانگەیە ڕێگا بۆ ئازادی و پێکهێنانی دیموکراسی لەکوردستان دەکاتەوە.

مطالب مرتبط

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

X

Pin It on Pinterest

X